إلغاء الضوضاء في الايربودز: اسمع بهدوووووء!!
إلغاء الضوضاء في الايربودز: اسمع بهدووووء!
الحياة حوالينا بقت سريعة وزحمة ودوشة، وعشان تعيش في شوية هدوء الموضوع بقى صعب جدًا! ومع ذلك، السماعات قدرت تحل المشكلة عن طريق خاصية الغاء (او تقليل) الضوضاء او Noise-Cancellation (Or Reduction)، في المقال ده هنعرف ايه هي بالظبط الخاصية دي، وفايدتها وازاي بتشتغل؟
ايه هو إلغاء الضوضاء؟
إلغاء الضوضاء Noise Cancellation، المعروف أيضًا باسم التحكم النشط في الضوضاء Active Noise Cancellation أو تقليل الضوضاء Noise Reduction، كل دي مسميات لتقنية بتستخدم لتقليل الاصوات المحيطة غير المرغوب فيها، سواء عن طريق تصميم السماعة نفسه، او عن طريق توليد موجة "مضادة للضوضاء" بتلغي الموجة الاصلية، وبالتالي بتقدر تسمع من السماعة بدون اي شوشرة خارجية.
أنواع إلغاء الضوضاء
في نوعين رئيسين من إلغاء الضوضاء في سماعات الرأس:
إلغاء الضوضاء السلبية
يعتمد إلغاء الضجيج السلبي، المعروف أيضًا باسم عزل الضوضاء Noise Isolation او تقليل الضوضاء Noise Reduction، على التصميم المادي والمواد المستخدمة لتصنيع السماعة بحيث انها تحجب اكبر قدر ممكن من الاصوات الخارجية. وده بيتم باكتر من طريقة منها استخدام ودانات (وسائد) من خامات معينة عشان تقفل على الودن لمنع الاصوات الخارجية بدون ما تشعر المستخدم بعدم الارتياح.
إلغاء الضوضاء النشط
إلغاء الضوضاء النشط (ANC) هي تقنية متقدمة اكتر بتستخدم ميكروفونات مدمجة لاكتشاف الضوضاء المحيطة وبتولد إشارة مضادة للضوضاء لإلغائها. ده بيسبب لالغاء جزء كبير جدًا من الضوضاء الخارجية وبالتالي بتجربة سمعية افضل، وطبعًا لا يخفى ان الخاصية دي بتكون غالية جدًا، وبتكون موجودة في السماعات الغالية.
ليه الغاء الضوضاء مهم؟
اغلبنا بيستخدم السماعة لعمل مكالمات تليفون او سماع الموسيقى، وبيكون محتاج يفصل شوية عن الدوشة الخارجية، وعشان كدة الغاء الضوضاء مهم لانه:
- بيحسن التركيز: من خلال منع عوامل التشتيت، بيساعد المستخدم على التركيز في الحاجة اللي بيعملها.
- تجربة صوتية احسن: مع انخفاض الضوضاء الخارجية، هتقدر تسمع افضل وبالتالي هتعيش تجربة احسن.
- تقليل التوتر: التعرض لضوضاء عالية بيسبب الاجهاز العصبي والتوتر، بالاضافة إلى ان سماع الضوضاء لمدة طويلة (اعلى من 70 ديسبل لمدة اكتر من نص ساعة) بيسبب مشاكل في السمع على المدى الطويل، فتقليل او الغاء الضوضاء تعتبر خاصية مهمة جدًا لحياة صحية افضل.
واحنا في Sunny Stores فخورين بتقديم تشكيلة ممتازة من السماعات بخاصية تقليل الضوضاء وفي عندنا خصومات كمان.
مستني ايه؟؟؟ مافيش احسن من الهدوء!!!
