نام بذكاء: مع الساعة الذكية هتنام احسن

عشان نفهم اهمية النوم، تخيل معايا اننا بنحتاج ننام 1/3 حياتنا تقريبًا، فمافيش خلاف ان النوم مش مجرد رفاهية او راحة او هروب من متاعب الحياة، الموضوع اكبر من كدة بكتير، وعشان نفهم اكتر، ممكن اقولك ان المشاكل دي هي مجرد امثلة من اللي بيحصل بسبب قلة النوم :

يعني ايه مراقبة النوم؟

مراقبة النوم هي عملية تتبع وتحليل أنماط نومك باستخدام اجهزة طبية او ساعة ذكية. الاجهزة دي بتجمع بيانات عن جوانب مختلفة من نومك، زي مدة النوم ومراحل النوم ومعدل ضربات القلب والحركة، وبيتم تحليل البيانات دي لمعرفة مدى جودة نومك.

ازاي الساعات الذكية بتراقب جودة النوم؟

الساعة الذكية بتستخدم مجموعة من اجهزة الاستشعار والخوارزميات لمراقبة جودة النوم، بتشمل على مستشعرات لقياس ضربات القلب وجيروسكوب لتتبع الحركة الافقية والرأسية، وعن طريق الخوارزمية بتقدر تحلل كل ده وتترجمه لمعلومات عن مدة النوم ومدة كل مرحلة من مراحل دورة النوم، وده تفصيل للعملية دي بشكل عام:

1. تتبع الحركة: مقياس التسارع بيستكشف الحركة وأوضاع الجسم، وده بيخلي الساعة الذكية تقدر تحدد اذا كنت صاحي او نايم.
2. قياس معدل ضربات القلب: من خلال المراقبة المستمرة لمعدل ضربات القلب، الساعة الذكية بتقدر تكتشف الاختلافات وتحديد مراحل النوم المختلفة. على سبيل المثال، ضربات القلب بتزيد في مرحلة REM Sleep او مرحلة حركة العين السريعة.
3. تحليل البيانات: بتتم معالجة البيانات دي بواسطة خوارزميات متطورة بتحلل أنماط النوم ومدده وانتقالاته بين مراحل النوم. تستخدم هذه الخوارزميات تكنولوجية التعلم الآلي Machine Learning لتوفير نتائج دقيقة عن جودة نومك.

ليه محتاجين نراقب النوم؟

مراقبة النوم ليها فوائد كتير، منها:

• فهم جودة النوم: مراقبة النوم بتخلينا نفهم بالظبط مراحل نومنا عاملة ازاي. عن طريق تحليل بيانات مراحل النوم والحركة نقدر نعرف انماط نومنا.
• تحديد اضطرابات النوم: مراقبة النوم بتساعدنا نفهم اضطرابات النوم زي الارق مثلاً، واحيانًا بنكتشف كدة بشكل مبكر وبالتالي نقدر نعالج الموضوع في بدايته.
• تحسين الاداء: النوم الجيد مهم جدًا في تحسين الوظائف الادراكية والذاكرة والاداء الذهني بشكل عام، فسواء كنت محتاج تدرس او تشتغل او حتى بتلعب العاب ذهنية، فاكيد مراقبة جودة النوم هتحسن اداءك في اي حاجة بتعملها.
• تحسين عادات النوم: من خلال تتبع انماط النوم، بنقدر نحسن من عاداتنا، زي النوم المبكر او تقليل استخدام الموبايل قبل النوم مثلاً.

مراحل النوم

النوم مش حالة ثابتة بندخل فيها بمجرد ما بنغمض عينينا، لكنه عبارة عن دورات Cycles وكل دورة بتبقى مجموعة مراحل بتتكرر اكتر من مرة :

دورة النوم هي النمط المتكرر لمراحل النوم اللي بنمر بيها اثناء النوم، وكل دورة بتستغرق عادة حوالي 90 دقيقة، وبتتكون من مراحل نوم حركة العين السريعة REM ومراحل نوم حركة العين غير السريعة Non-REM، وعشان نحصل على اكبر قدر ممكن من الراحة، يوصى باستهداف دورات نوم كاملة متعددة.

ممكن عدد دورات النوم يختلف من شخص للتاني، ولكن في المتوسط معظم البالغين بيحتاجوا لـ 4 - 6 دورات نوم في الليلة، بمعنى ما يقارب 7 - 9 ساعات نوم. ومع ذلك، قد تختلف احتياجات النوم الفردية على حسب ظروف اليوم زي الارهاق الذهني او البدني، ومهم جدًا انك على المستوى الفردي تلاقي نمط النوم اللي بيحسسك بالنشاط والانتعاش.
خد بالك ان الهدف مش نوم عدد ساعات اكتر، ولكن النوم بشكل افضل، يعني لو نوم عدد ساعات اقل بجودة اعلى فده اكيد افضل لصحتك من نوم عدد ساعات اكتر بس بجودة اقل.

وعشان كدة بننصحك باقتناء ساعة ذكية عشان تساعدك على تحسين نوم بذكاء، وعندنا في صني ستورز بنقدم تشكيلة هايلة من الساعات الذكية هتلاقي فيها المناسب ليك من حيث الشكل والمواصفات والسعر.