دليل العناية بالموبايل: نصائح لصيانة الموبايل والحفاظ عليه
دليل العناية بالموبايل: نصائح لصيانة الموبايل والحفاظ عليه
في المقالة دي هنعرف ازاي نقدر نحافظ على الموبايل عن طريق حاجات بسيطة لو اخدنا بالنا منها، الموبايل هيفضل طول الوقت يشتغل بافضل شكل ممكن، وهنطول عمره الافتراضي.
1. استخدام اكسسوارات بجودة عالية
أحد اهم الامور اللي لازم ناخد بالنا منها هي جودة الاكسسوارات اللي بنستخدمها مع الموبايل، على سبيل المثال الشواحن والباور بانك والكابلات، استخدام شواحن بجودة منخفضة هيأثر بشكل مباشر على البطارية وهيقلل عمرها الافتراضي، وبالتالي عمر الجهاز ككل، واحنا في صني ستورز بنقدم تشكيلة ممتازة من اكسسوارات الموبايل بجودة عالية، وده يخليها آمنة للاستخدام على موبايل، وتقدر تلاقي التشكيلة كاملة من هنا .
2. التنظيف والصيانة الدورية
بالتأكيد تنظيف الموبايل من وقت للتاني مهم جدًا مش بس للحفاظ على شكله وجماله، لكن كمان عشان يمنع الاتربة وبعض المواد من الدخول للموبايل وبالتالي التأثير على اداؤه، ودي بعض الخطوات اللي ممكن تعملها بسهولة لتنظيف موبايلك:
- تنظيف خفيف: استخدم قطعة قماش ناعمة لمسح الشاشة والجسم وزراير الموبايل. تجنب استخدام المواد الكيميائية القاسية أو المواد الكاشطة اللي ممكن تبوظ الجهاز.
- قماش مايكروفايبر: تقدر تستخدم قماش مايكروفايبر لتنظيف الموبايل، شبه المستخدم لتنظيف النظارات.
- تجنب المواد الكيميائية القاسية: ابعد عن الكيماويات زي المنظفات المصنعة من الامونيا لأنها ممكن تدمر الطبقة الواقية للشاشة.
- الجرابات وواقيات الشاشة: حط في اعتبارك استخدام حافظة واقية (جراب) وواقي شاشة (سكرينة) عالية الجودة لحماية الموبايل من الخدوش والصدمات والمية (بتحمي جزئيًا من رذاذ المية وبعض الانسكابات، لكن مش بديل عن الاجهزة المقاومة للماء).
- حلول التنظيف الآمنة: لو لزم الأمر، تقدر تستخدم كمية صغيرة من محلول تنظيف الشاشة المتخصص لإزالة العلامات العنيدة أو الأوساخ. حط المحلول على قطعة القماش، ومش على الشاشة مباشرة.
3. صحة البطارية وتحسينها
طبعًا البطارية من اهم مكونات الموبايل، ودي شوية نصائح للحفاظ على البطارية:
- تجنب درجات الحرارة القصوى: درجات الحرارة المرتفعة والمنخفضة بتأثر سلبًا على أداء البطارية. حافظ على موبايلك في درجات الحرارة الموصي بها (من صفر - 35 مئوية)، مع ملاحظة ان درجة الحرارة الداخلية للموبايل بتكون اعلى من كدة، وده آمن مافيش مشكلة، لكن الجهاز ممكن يتأثر بشكل كبير في حالة ارتفاع درجة الحرارة عن 44.
- تجنب التفريغ الكامل: مافيش مشكلة على الموبايل لو فصل شحن، لكن ماتخليش كل مرة يفصل منك، الخبراء بينصحوا بشحن البطارية لما توصل لحوالي 20-30٪.
- تجنب الشحن الكامل: زي التفريغ الكامل، الخبراء بينصحوا بأن الشحن يتم حتى 85 - 90٪ ، ويتم فصله، طبعًا مافيش مشكلة من الملأ الكامل لو بشكل عارض، لكن ماتخليش ده هو العادي في الشحن، والخبراء بينصحوا برضه بفصل الشحن وعدم تركه شغال طول الوقت، على الرغم من ان معظم الشواحن والباور بانك، والموبايلات نفسها بيكون فيها دوائر حماية لفصل الشحن عند الاكتمال، لكن مافيش مانع اننا ناخد احتياطنا كنوع من انواع الوقاية.
- تحسين استخدام البطارية: من اعدادات الموبايل تقدر تمكن اوضع "توفير الطاقة" وتقدر تدير نشاط التطبيقات اللي بتشتغل في الخلفية لمنع التطبيقات الغير مستخدمة من استهلاك البطارية، لاحظ ان اي بطارية لها عمر افتراضي بيتقاس بعدد دورات الشحن والتفريغ Life Cycles، وبالتالي استهلاك البطارية وشحنها بيقلل من عمرها الافتراضي.
- استخدم أجهزة الشحن عالية الجودة: للحفاظ على صحة البطارية، بننصح دايمًا باستخدام شواحن او باور بانك بجودة عالية، لانها بتبقى مزودة بدوائر حماية ضد ارتفاع التيار الكهربائي او ضد ارتفاع الحرارة لحماية الموبايل والشاحن نفسه.
تحديثات البرامج بانتظام
مهم جدًا الحفاظ على تحديث نظام التشغيل وبرامج الموبايل بانتظام، لان التحديثات كتير بتشمل اصلاح اخطاء او اصلح مشاكل امنية، وبالتالي بتحافظ على استخدام الموبايل وامانه طول الوقت.
في صني ستورز، احنا متفهمين اهمية جودة الاكسسوارات للحفاظ على موبايلك واداؤه، وعشان كدة بنختار بعناية فائقة المنتجات ذات الجودة العالية، مع اعتبار السعر المناسب والضمان الحقيقي، والخدمة المميزة، وتقدر تتسوق من تشكيلة منتجاتنا وانت متطمن!
