خد بالك قبل ما تشتري ايربودز!
خد بالك قبل ما تشتري ايربودز!
مافيش شك ان سماعات الاذن او ما يسمى بالهاندفري دلوقتي بقت اداة اساسية في حياتنا. مع وجود تشكيلة كبيرة من السماعات في السوق، الموضوع بقى صعب اننا نعرف نختار السماعة المناسبة. في الموضوع ده هنساعدك على انك تختار السماعة الانسب بالنسبة لك!
فوائد سماعات الأذن
خلينا الاول نتكلم على مميزات السماعات، وليه محتاجينها:
- قابلية التنقل: حجمها الصغير وتصميمها خفيف الوزن بيخليها سهلة الحمل ومثالية للاستخدام أثناء التنقل.
- راحة: لو اخترت الشكل المناسب لودنك، السماعة هتكون مريحة جدًا ومناسبة للاستخدام لساعات طويلة.
- اناقة: فيه تشكيلة كبيرة من السماعات تناسب جميع الاذواق.
- الاتصال اللاسلكي: بتوفر اتصال لاسلكي بالتليفون او بين السماعتين، وده بيخليها مريحة جدًا وسهلة الاستعمال.
أنواع واشكال سماعات الأذن
في اشكال وانواع كتير للسماعات موجودة في السوق، منها:
سماعات سلكية
ودي بتتصل بالجهاز من خلال كابل وعادة من خلال وصلة 3.5 مم او USB، بتوفر اتصال مستقر وبتستهلك طاقة من الجهاز مباشرة، وبالتالي مابتحتويش على بطارية للشحن.
سماعات لاسلكية
ودي بتتوصل بجهازك عن طريق البلوتوث، وده بيخليها خيار افضل، بس طبعًا لازم تتأكد من انها مشحونة لان شحن البطارية هو مصدر الطاقة الوحيد.
سماعات ايربودز True Wireless Stereo
تشبه السماعات اللاسلكية من ناحية اتصالها بالجهاز، لكن فيها اتصال لاسلكي زيادة بين السماعتين بيخليها خالية تمامًا من الاسلاك، وبتحتوي كل سماعة على بطارية خاصة بيها، والسماعتين بيتحفظوا في صندوق الشحن اللي بيحتوي على بطارية تانية لشحن السماعات اثناء عدم الاستعمال، عشان سماعاتك تفضل دايمًا مشحونة طول الوقت، بس ماتنساش تشحن البوكس كل فترة :)
خد بالك
قبل شراء السماعة، خد الاعتبار الجاية دي في حسبانك:
- جودة الصوت: دور على السماعات اللي بتوفر صوت واضح، وبشكل عام يعتبر قطر السماعة مؤشر جيد لجودة الصوت (قطر 8 مم يعتبر ممتاز).
- الراحة والثبات: مهم ان شكل السماعة يكون مريح لودنك، وفي نفس الوقت ثابت مع الحركة عشان ماتقعش منك وانت مش واخد بالك.
- استمرارية البطارية: مهم التأكد من بطارية السماعة نفسها، عشان تديك شحن يستمر عل الاقل لـ 8 ساعات للسماعة وكمان بطارية الصندوق تكون تكفي لشحن السماعة اكتر من مرتين (في المتوسط بطارية السماعة 50 مللي امبير وبطارية الصندوق 200 مللي امبير تعتبر كويسة)
- عزل الضوضاء: معظم السماعات بتيجي بحل لعزل الضوضاء، سواء كان عن طريق تصميم الساعة نفسه اللي بيقلل الضوضاء، او عن طريق وجود خاصية ANC اللي بتلغي الضوضاء الخارجية تمامًا اثناء الاستماع لكن اكيد سعرها بيكون اغلى بكتير من السماعات المتوسطة.
- التوصيل: تأكد من ان السماعات متوافقة مع جهازك وبتوفر اتصال ثابت وقوي، وبشكل عام السماعات اللي بتوفر اتصال بلوتووث اصدار 5.0 فما اعلى بتكون ممتازة جدًا في الاتصال.
- السعر: بالتأكيد كل ميزة اضافية بيكون ليها تمنها، ولكن احنا في صني ستورز دايمًا بنقول "الجودة العالية مش لازم تبقى غالية"، عشان كدة بنوفر تشكيلة ممتازة من السماعات متوسطة السعر بجودة ممتازة.
مجموعتنا من سماعات الأذن
صني ستورز بتفخر بتقديم مجموعة ممتازة من سماعات الاذن بأشكال مختلفة، بعلامات تجارية قوية، وبجودة ممتازة، عشان تضمن انك تلاقي الشكل والسعر والمواصفات اللي انت بتدور عليها. وبضمان مباشر من صني ستورز.
مستني ايه! الحق عشان عندنا عروض!!!
