اسئلة شائعة - باور بانك
1. ايه هي السعة الحقيقية لباور بانك بسعة 10000 مللي امبير؟
بالنسبة لباور بانك بقدرة اسمية 10000 مللي أمبير / الساعة فصافي الطاقة اللي ممكن نستخدمها هي حوالي 6800 مللي امبير / ساعة، وده بسبب تحويل الجهد (من 3.7 فولت إلى 5 فولت) بالاضافة إلى الفقد في الطاقة نتيجة تشغيل الباور بانك نفسه، وده بيسمحلك لو بطارية موبايلك بسعة 2500 مللي أمبير / الساعة فتقدر تشحن شحنات كاملة لعدد 2.5 مرة تقريبًا 🔋 ( برجاء مراجعة الموضوع ده للمزيد من الشرح )
2. ممكن يبوظ تليفوني؟
بالتأكيد لا! كل المنتجات اللي بنقدمها بتيجي مع ميزات أمان مثل حماية من الشحن الزائد والتيار الزائد وحماية الدائرة القصيرة لضمان بقاء أجهزتك آمنة أثناء الشحن. تأكد بس من أنك بتستخدم كابل شحن عالي الجودة! 😉
3. ليه اختار منتجاتكم عن باقي المنتجات اللي في السوق؟
في صني ستورز، احنا اولويتنا هي رضا العملاء والجودة الاستثنائية. بنقدم منتجات باداء موثوق عن تجربة، وميزات امان، وتصميم انيق، عشان نقدر نوصلك منتج فيه كل المواصفات اللي بتحلم بيها. ومش بس كدة، احنا كمان بنقدم ضمان اونلاين، عشان تشتري وانت متطمن.
4. لو فعلاً الجودة عالية، ليه السعر رخيص؟
احنا بنحمل شعار "الجودة العالية مش لازم تبقى غالية"، وده لاننا بنقدر نحافظ على فلوسك، لاننا بنوفر في تكلفة المنتج والتشغيل بشكل اقتصادي، وبدون التنازل عن الجودة، وده بيخلينا نقدم منتجات درجة اولى وباسعار معقولة! 💰😄
5. الباور بانك بيشحن في وقت قد ايه تقريبًا؟
مع شاحن 2 امبير، عادة الشحن الكامل لباور بانك بسعة 10000 مللي أمبير / ساعة حوالي 4 ساعات. وبالنسبة لباور بانك بسعة 20000 مللي أمبير /الساعة ، يتضاعف وقت الشحن لـ 8 ساعات تقريبًا. افضل حاجة انك تسيبه يشحن بالليل وتنام وانت متطمن! 😄
6. ممكن اشحن اكتر من جهاز في وقت واحد؟
اكيد! منتجاتنا كلها بتتمتع باكتر من مخرج، وده بيسمحلك تشحن أجهزة متعددة في وقت واحد. بس خد بالك، في حالة اكتر من جهاز الشحن حيبقى ابطئ شوية، بس مش مشكلة، المشاركة حلوة برضه! 🤗
7. ازاي اعرف الباور بانك متوافق مع جهازي او لا؟
كل منتجاتنا متوافقة مع جميع الاجهزة، وبتتمتع بشحن سريع، ولو حابب تتأكد اكتر، تواصل معانا واحنا حنفيدك بمدى توافق جهازك!
8. ممكن اشحن الباور بانك وانا بشحن التليفون منه عادي؟
ممكن عادي! منتجنا آمن تمامًا وممكن الشحن يبقى في كل الاتجاهات!
9. الباور بانك لو مش مستخدم، بيقدر يحتفظ بالطاقة اللي فيه مدة قد ايه؟
منتجاتنا ليها معدل تفريغ ذاتي منخفض، بمعنى انه ممكن يحتفظ بالشحن اللي فيه لفترة مش اقل من سنة ويمكن اكتر، بس في كل الاحوال، بننصح بشحن الجهاز كل شهرين لضمان اداء اعلى، والجهاز ما يتسابش فترات طويلة فارغ تمامًا من الشحن. 🔋
10. الباور بانك بييجي معاه كابل شحن؟
طبعًا! بالنسبة للمنتجات اللي بدون كابلات مدمجة، فكل منتج بيطلع معاه كابل شحن خارجي بجودة عالية، عشان تقدر تستخدمه وانت متطمن باعلى كفاءة ممكنة! ⚡️
