الضمان والإرجاع
باختصار: لو المنتج فيه عيب صناعة، بنصلحه أو نبدله ببلاش. ولو غيرت رأيك، تقدر ترجعه خلال 30 يوم من استلامه وهو بحالته الأصلية.
أنواع الضمان
نوع الضمان ومدته مكتوبين في صفحة كل منتج.
| النوع | بيشتغل إزاي |
| ضمان لحد البيت | ابعتلنا صورة أو فيديو للعيب، والمندوب بيجيلك ياخد القطعة ويسلمك واحدة سليمة في نفس الزيارة، ببلاش. |
| ضمان صني | ابعتلنا المنتج بالشحن أو وصله لأقرب نقطة. لو اتأكدنا إنه عيب صناعة، بنصلحه أو نبدله ببلاش. |
| ضمان وكيل | المنتج عليه ضمان الوكيل الرسمي. ولو احتجت مساعدة، كلمنا ونتابع معاك. |
إزاي تطلب الضمان
- ابعتلنا على واتساب رقم الأوردر، وصورة أو فيديو قصير يوضح المشكلة.
- بنرد عليك ونقولك الخطوة الجاية حسب نوع الضمان.
- لو اشتريت من منصة أو محل، فعل ضمانك الأول من صفحة تفعيل الضمان، ومعاك صورة الفاتورة.
الضمان بيغطي عيوب الصناعة. ومابيغطيش الكسر أو الوقوع أو دخول المية، ولا الاستخدام بشاحن أو كابل مش مناسب.
الإرجاع خلال 30 يوم
- تقدر ترجع أي منتج خلال 30 يوم من يوم استلامه، بشرط يكون بحالته الأصلية ومعاه كل محتوياته. لو العلبة بس اتبهدلت، مفيش مشكلة.
- لو المنتج اتفتح واتستخدم، بيدخل تحت الضمان مش الإرجاع.
- مصاريف شحن الرجوع على العميل.
- بنرجعلك فلوسك بنفس طريقة الدفع، بعد ما المنتج يوصلنا ونفحصه.
منتجات تذكار
المنتج اللي اتحفر عليه اسم أو جملة مابيترجعش لمجرد تغيير الرأي، لأنه اتعمل مخصوص ليك. بس الضمان عليه شغال عادي ضد عيوب الصناعة.
الاستبدال
لو عايز تبدل المنتج بموديل تاني خلال 30 يوم، بنبعتلك الجديد وناخد القديم في نفس الزيارة، عشان توفر مشوار.
محتاج مساعدة؟
كلمنا على واتساب 01001095554.